„Актерот на Европа“ е признание кое се доделува на истакнати актери за нивниот значаен придонес во развојот и афирмацијата на театарската и сценската уметност. Наградата има за цел да го одбележи и промовира уметничкото творештво на актерите кои со својот талент, професионализам и креативност оставиле значаен белег во современата театарска култура. Во 2014 година, ова признание му е доделено на Раде Шербеџија.

Раде Шербеџија (р. 1946, Буниќ) дипломира на Академијата за драмски уметности во Загреб и уште како студент започнува со значајни театарски и филмски улоги. Се истакнува со интерпретации на класични ликови како Хамлет, Дон Жуан, Едип и Ричард III.

Автор е на поетски збирки и музички албуми, а има и режисерско искуство во театар. Во текот на кариерата остварува над седумдесет филмски улоги, меѓу кои „Variola vera“, „Kiklop“, „Una“, „Život je lep“ и „Pred doždot“, по кој добива и меѓународна афирмација.

Настапува и во бројни телевизиски серии, а во меѓународната кариера соработува со светски режисери и игра во филмови како „Eyes Wide Shut“, „Mission: Impossible II“ и „Snatch“.