Редовен професор на катедрата по звучен инженеринг

Предмети: 

Братислав Зафировски е роден во Скопје на 6 Ноември 1956 година. Ветеран во аудиоиндустријата на Р.Македонија и на бившите југословенски простори. На 10 годишна возраст се зачленува во аматерскиот радио клуб YU5CYZ при „Народна техника“ на Македонија. Тука остварува радио врски со радио-аматери од целиот свет преку краткобранови радио примопредаватели.Од тогаш најверојатно започнува неговата фасцинација и посветеност кон звукот (гласот) што излегува од „дрвената кутија“. Во 1970 г. се запишува во Електро машинскиот училишен центар „Никола Тесла“ во Скопје. Изучува електроника и телекомуникации. Следуваат 50 години плодна тон мајсторска кариера полна со патувања, концертни настапи, снимања, многу музика, технолошки револуции,трансформации, истражувања и образование. Последните 20 години неговото внимание е насочено кон филмот и филмскиот звук.