Doctor Honoris Causa претставува почесно признание што го доделува Универзитет Еуропа Прима на истакнати личности од областа на науката, уметноста, културата и јавниот живот. Се доделува на поединци кои со својата работа и општествен ангажман придонеле за развојот на општеството и промоција на универзалните вредности, како израз на почит за нивниот исклучителен придонес.
Во 2017 година ова признание му е доделено на Владимир Георгиевски.

Владимир Георгиевски (1943–2017) е истакнат македонски сликар и универзитетски професор. Образованието го стекнал во Скопје и Белград, каде ги завршил и постдипломските студии по сликарство. Долги години работел како професор на Универзитетот „Св. Кирил и Методиј“ и на Универзитетот за аудиовизуелни уметности во Скопје.

Покрај педагошката дејност, оставил значаен уметнички опус со изложби во повеќе европски градови. Автор е на бројни сценографии и костимографии за театар и филм, а неговите дела се дел од значајни институции во земјата и странство. Добитник е на високи признанија за животно дело, што го вбројуваат меѓу значајните фигури на македонската современа уметност.