На 23.04.2018 година, со почеток во 13:00 часот, во големата аула на Универзитетот за аудиовизуелни уметности, Европска Филмска, Театраска и Танцива Академија – Скопје, во организација  на  Институтотот  за  аудиовизуелни  уметности  се  одржа  филмска работилница насловена „Како се пишува, режира и продуцира прв игран филм “. Работилницата која воедно е дел и од програмата на Скопскиот филмски фестивал, ќе ја водат Леа Мисиус и Кристоф Режин, филмски режисери од Франција.

Откако режираа неколку кратки филмови, Леа Мисиус и Кристоф Режин во 2017 ги претставија своите први играни филмови пред публиката. „Ава“ на Леа Мисиус ја имаше својата премиера на Канскиот филмски фестивал, додека „Скришно“ на Кристоф Режин беше прикажан на Филмскиот фестивал „Ле арк“, еден од најпрестижните филмски фестивали посветен на европскиот филм.

Освен што режираат филмови, Леа и Кристоф пишуваат и за други режисери. На оваа работилница, тие зборуваа за тоа како се развива процесот на пишување и режирање кога се минува од краток кон долгометражен игран филм; како пишувањето за други може да го смени начинот на кој ја раскажувате приказната; како да ги потенцирате квалитетите на вашето сценарио кога му го претставувате на продуцент. Фани Ивоне, продуцент на „Ава“, учествуваше  на   работилницата  и  зборуваше  за   начинот  на  давање  финансиска   и уметничка поддршка на млади режисери кои минуваат од режирање на кратки кон долгометражни играни филмови.