Филмот „Златна петорка“ во режија на Горан Тренчовски, професор на Универзитетот за аудиовизуелни уметности ја доби наградата за најдобар странски филм на реномираниот филмски фестивал во Велс – Cardiff International Film Festival, во конкуренција од над 2000 апликанти. Со над 30 фестивали и 11 награди, овој филм е еден од најуспешните македонски филмови во последната деценија.

Филмот веќе трета сезона патува по фестивали и досега е прикажан на сите континенти а го виделе над 80.000 гледачи.

Во филмот улогите ги толкуваат актерите: Славко Штимац, Јана Стојановска, Љупка Џундева, Игор Ангелов, Петар Арсовски, Васил Михаил, Ненад Милосављевиќ, Билјана Таневски, Дине Дрваров, Стојан Велков, Александар Ристоски, Влатко Илиевски, Григор Јовановски, Игор Тодоров, Виктор Јакимовски и др. Продуцент е Дејан Милошевски („Револушн“ – Скопје).